9 сәуір күні Білім беру саласын тұрақты дамыту қоры Qadam мектебінің ұжымымен кездесті. Кездесу барысында “Ауылдық аймақтардағы тірек мектептердің әлеуетін арттыру” жобасына әдістемелік қолдау көрсету туралы ұсыныстар айтылды.
![](https://static.tildacdn.com/tild3362-3664-4630-b465-633436376361/IMG_7278.jpeg)
“Біз жобаға қатысатын мектеп әкімшілігіне менеджментті басқару мен жұмыс процесін жүргізу бағытында көмектескіміз келеді. Сондай-ақ тірек мектеп мұғалімдерін оқыту бойынша да өз ой-пікірімізбен бөлістік”, – дейді мектеп директоры Райхан Күмісбекқызы.
![](https://static.tildacdn.com/tild6464-3331-4637-a238-343865653663/IMG_7274.jpeg)
Qadam school – 2022 жылы негізі қаланған оқу ғимараты. Онда 230 оқушы білім алып, 50 шақты мұғалім қызмет етеді. 7 орыс және 8 қазақ сыныбы бар. Мектептің негізгі миссиясы – ұлттық құндылықтарға сусындап өскен ұрпақ тәрбиелеп шығару. Сол себепті балалар 1 сыныптан бастап әлемдік және ұлттық танымға негізделген “Мәдениет” пәнін оқиды. Ал 3 сыныптан бастап барлық пән ағылшын тілінде жүргізіледі. Басымдық берілетін пәндер – сингапурлық математика, логика, жаратылыстану мен дүниетану.