Қазақстанның 56 ауыл мектебі тірек мектептер желісіне қосылады

«Қазақстан халқына» қоры, AITAS холдингі, Білім беру саласын тұрақты дамыту қоры мен Назарбаев зияткерлік мектептерінің бірлескен жобасы ауыл мектептеріне бірнеше жыл бойы жаңа тыныс беріп келеді.

Биыл жобаға 56 мектеп қосылды. Оларды дамытуға бағытталған кешенді жұмыс үш бағытта жүргізіледі.

Біріншісі – мұғалімдердің біліктілігін арттыру, тәжірибе алмасу арқылы ауыл баласы алатын білім деңгейін арттыру. Бұл бағытты Назарбаев зияткерлік мектептері іске асырады.

Екінші бағыт – материалдық-техникалық базаны жаңарту. Осы мақсатта «Қазақстан халқына» қайырымдылық қоры 14 млрд теңгеге жуық қаражат бөлді, әр мектепте шаққанда 250 млн теңгені құрайды. Жоба аясында барлығы 1848 кабинет жаңартылады. Осы жұмыстың арқасында химия, физика, биология лабораториялары, STEAM, TV-студия, арт-студиялары да ашылады.

Үшіншісі – мектептерді әдістемелік сүйемелдеу, осы бағыттағы жұмыс 3 жыл көлемінде жүргізілетінін атап өткен жөн. Ауыл ұстаздары осы аралықта аймақтағы зияткерлік мектептерімен тұрақты қатынас орнатып, білім беру методикаларымен жетілдіруге мүмкіндік алады.

Осылайша, биыл тірек мектептер желісі 135-ке жетті. Жұмыс келесі жылы да жалғасын табады.

Айта кеткейік, Назарбаев зияткерлік мектептері оқыту және зерделеу жұмыстарының барлық шығындарын өз қаражатынан өтейді. Ал Білім беру саласын тұрақты дамыту қорының ұйымдастыру шығындарын Aitas холдингі өтейді.

«Ауылдық аймақтардағы тірек мектептердің әлеуетін дамыту» жобасы 2022 жылы басталды. Оның мақсаты — ауыл және қала мектептері арасындағы білім теңсіздігін жою. «Қазақстан халқына» қоры мен AITAS холдингі демеушілік ететін жобаның операторы — Білім беру саласын тұрақты дамыту қоры. Ал жобаның академиялық бөліміне жауапты бас серіктес — «Назарбаев Зияткерлік мектептері» ДББҰ.

Сіздерге аталмыш жобаға қатысатын 56 тірек мектептің тізімін ұсынамыз.

2024 жылғы тірек мектептер желісіне қосылған мектептер тізімі

Абай облысы

1. Абай ауданы Қарауыл гимназиясы
2. Бесқарағай ауданы _Қ. Рысқұлбеков атындағы орта мектеп
3. Бородулиха ауданы Ә. Бөкейханов атындағы қазақ орта мектебі
4. Көкпекті ауданы Ж. Шәйжүнісов атындағы орта мектеп

Ұлытау облысы

1. Қаражал қаласы №1 жалпы білім беру орта мектебі

Ақмола облысы

1. Астрахан ауылы № 1 жалпы білім беру орта мектебі
2. Степняк қаласы №2 жалпы білім беру орта мектебі
3. Зеренді ауылы М. Ғабдуллин атындағы мектеп-гимназия

Алматы облысы

1. Талғат ауданы №4 жалпы білім беру орта мектебі
2. Ілеу ауданы №28 мектеп-гимназия
3. Қарасай ауданы С. Керімбеков атындағы орта мектеп

Атырау облысы

1. Мақат ауданы О. Сарғұнанов атындағы орта мектеп
2. Махамбет ауданы Д. Төленов атындағы жалпы білім беру орта мектебі

Шығыс Қазақстан облысы

1. Алтай қаласы №9 орта мектеп
2. Н. Островский атындағы №4 орта мектеп
3. Ұлан ауданы Бозанбай орта мектеп
4. Шемонаиха ауданы _А. Байтұрсынов атындағы №5 мектеп

Жамбыл облысы

1. Сарыкемер жалпы білім беру мектеп-гимназия
2. Т. Рысқұлов атындағы Құлан мектеп-гимназия
3. Жамбыл ауданы №1 жалпы білім беру орта мектебі
4. Мерке ауданы Ә. Асқаров атындағы мектеп-гимназия

Жетісу облысы

1. Панфилов ауданы №6 мектеп-гимназия
2. Алакөл ауданы А. Байтұрсынов атындағы орта мектеп
3. Көксу ауданы Қ. Жалаири атындағы орта мектеп-гимназия

Батыс Қазақстан облысы

1. Ақжайық ауданы №1 жалпы білім беру мектебі
2. Жаңақала мектеп-гимназиясы
3. Қазталов мектеп-лицейі
4. Тасқала ауданы Қ. Сәтпаев атындағы мектеп-гимназия

Қарағанды облысы

1. Нұра ауданы Ы. Алтынсарин атындағы тірек мектеп
2. Бұқар жырау ауданы С. Торайғыров атындағы тірек мектеп

Маңғыстау облысы

1. Мұнайлы ауданы Ш. Мұнаұлы атындағы №5 жалпы білім беру орта мектебі
2. Форт-Шевченко мектеп-лицейі

Қостанай облысы

1. Ш. Уәлиханов атындағы Әулиекөл жалпы білім беру мектебі
2. Амангелді жалпы білім беру мектебі
3. Торғай ауылы Ш. Уәлиханов атындағы жалпы білім беру мектебі
4. Заречный жалпы білім беру орта мектебі
5. Ғ. Жұмабаев атындағы Боров мектеп-гимназиясы
6. Октябрь жалпы білім беру орта мектебі
7. Жамбыл жалпы білім беру орта мектебі

Қызылорда облысы

1. Жалағаш ауданы №201 Әл-Фараби атындағы мектеп-лицей
2. Қазалы ауданы №266 мектеп-лицей
3. Шиелі ауданы Ы. Алтынсарин атындағы №219 орта мектеп

Павлодар облысы

1. Ақтоғай ауданы Абай атындағы жалпы білім беру орта мектебі
2. Көктөбе жалпы білім беру орта мектебі
3. Екібастұз қаласы Абай атындағы _№2 жалпы білім беру орта мектебі
4. Павлодар ауданы Заря орта мектебі

Солтүстіс Қазақстан облысы

1. Талшық орта мектебі
2. Смирнов мектеп-гимназиясы
3. Шал ақын ауданы К. Салықов атындағы орта мектеп
4. Жаңаесіл ауылы №1 орта мектебі
5. Бескөл №2 орта мектебі

Түркістан облысы

1. Арыс қаласы С. Адамбеков атындағы орта мектебі
2. Қазығұрт ауданы Қ. Тұрсынқұлов атындағы мектеп-гимназия
3. Келес ауданы Ө. Жәнібеков атындағы №2 мектеп-гимназия
4. Мақтаарал ауданы С. Рахымов атындағы №4 орта мектеп
5. Жетісай ауданы Д. Қонаев атындағы №9 мектеп-лицей