«Powered by NIS ауылдық мектептері» жобасының мектеп оқушыларының білім мониторингі басталды

«Назарбаев Зияткерлік мектептері» дербес білім беру ұйымының «Педагогикалық өлшеулер орталығы» «Рowered by NIS ауылдық мектептері» жобасына қатысатын бес ауылдық мектептің 4, 8-сыныптарының 629 оқушысының оқу жетістіктеріне мониторинг жүргізеді.

4-сынып оқушыларының мониторингі «Математика», «Жаратылыстану және дүниетану», «Қазақ/Орыс тілі (Я1)», ал 8-сынып оқушылары үшін «Математика», «Қазақ/Орыс тілі (Я1)», «Қазақ/Орыс тілі (Я2)», «Ағылшын тілі», «Биология», «Физика», «Химия» пәндері бойынша жүргізіледі. Тест тапсырмаларын Педагогикалық өлшеулер орталығының сарапшылары жасайды және сараптамадан өткізеді. Әр пән бойынша тестілеудің ұзақтығы –40 минут.

Ауылдық мектептердің 4, 8-сынып оқушыларының оқу жетістіктерінің мониторингі 2023 жылғы 24-28 сәуір аралығында онлайн-форматта жүргізіледі.

Қолданылатын тапсырмалар оқу бағдарламасын меңгеру деңгейін ғана емес, сонымен қатар жоғары дәрежелі дағдыларды (талдау, синтез және бағалау), оқу сауаттылығын (тілдік пәндер бойынша) бағалауға мүмкіндік береді.

«Powered by NIS ауылдық мектебі» – Тұрақты даму қоры, Назарбаев Зияткерлік мектептерінің бизнесмен Серік Толықпаев пен AITAS холдингінің қаражатына іске асыратын ауылдық мектептерді дамыту жөніндегі қайырымдылық жобасы. Жобаға 5 мектеп қатысады: Үлкен Нарын ауылының орта мектебі, Катонқарағай ауылының С. Ластаев атындағы орта мектебі, Катонқарағай ауданының Өрел ауылының орта мектебі, Шығыс Қазақстан облысы Ұлан ауданының Р. Мәрсеков атындағы орта мектебі және Ақмола облысы, Макинск қаласындағы мектеп-гимназия.