Педагогтердің дәстүрлі тамыз кеңесі онлайн-форматта өтті

«Августовка» деп аталатын педагогтердің дәстүрлі кеңесі онлайн форматта өтті. Нақты кейстерді мысалға ала отырып, жалпы білім беретін мектептердің басшылары мен мұғалімдерімен бірге мектепті оқыту және басқару тәжірибесін жақсарту мәселелері кеңінен талқыланды.

15 тамызда Ауылдық аумақтарды тұрақты дамыту қорының жобаларына қатысатын мектептер үшін тамыз кеңесі өтті.

Пленарлық отырыста Ауылдық аумақтарды тұрақты дамыту қорына Білім беруді тұрақты дамыту қорының директоры Данияр Тоқтарбаев өкілдік етті. Ол «Powered by NIS ауыл мектебі» жобасы туралы айтып берді.

Мектеп педагогтері үшін 10 негізгі пән бойынша жеке секциялар дайындалды, онда НЗМ үздік жаттықтырушыларының бағыттар бойынша, атап айтқанда, функционалдық оқуды, креативті ойлауды, математикалық, жаратылыстану-ғылыми, цифрлық сауаттылық пен зерттеу дағдыларын дамыту бойынша тәжірибелерін беру көзделген. Педагогтер білім алушыларды қорытынды аттестаттаудың форматы, мазмұны, барлық пәндер бойынша тапсырмаларды әзірлеу тәсілдері бойынша бірқатар практикалық сессияларға қатысты.

Сонымен қатар, мектеп мұғалімдері «Назарбаев зияткерлік мектептері» ДББҰ ұйымдастырушыларынан білім беру мазмұны, бағалау жүйесі, оқыту мен үйретудің әдістемелері мен технологиялары бойынша әдістемелік ресурстар алады.