Ауыл мектептері тегін қолданатын сандық платформалар

Былтыр «Цифрлық технологиялар арқылы шағын жинақты ауыл мектептерінің әлеуетін арттыру» жобасын бастадық. Оны жүзеге асыруға Оқу-ағарту министрлігі мен «Қазақстан халқына» қоры қолдау көрсетті.

Сондай-ақ отандық білім беру платформалары жобаға қатысушы мектептерге өз ресурстарын тегін ұсынды. Соларға жеке-жеке тоқталып өтпекпіз.

Bilim Media Group онлайн-платформалары: Online mektep, BilimCenter.kz, Bilimland.kz, Kitap.kz.

Online mektep – мұғалім мен оқушының өзара байланысы мен оқыту процесін ұйымдастыруға арналған білім беру экожүйесі.

Bilimland.kz – сандық мазмұн мен интерактивті оқыту кешендерінен тұратын платформа.

BilimCenter.kz – педагогтер мен оқушылардың функционалдық сауаттылығын дамыту мен бағалауға арналған цифрлық портал.

Kitap.kz – қазақ және әлем әдебиетінің үздік туындыларын оқуға және тыңдауға болатын онлайн қосымша.

Аmansultan.kz – анимациялық контент пен мектеп бағдарламасы бойынша виртуалды сандық платформа.

Daryn Pro – мектептердегі оқу материалдарын бағалау мен ұйымдастыруға арналған daryn.online платформасының жүйесі.

Roqed – ғылыми пәндерді 3D модель мен анимацияны қолдану арқылы оқытуға арналған интерактивті білім беру құралы.

Kundelik.kz – педагог, ата-аналар мен оқушыларға арналған автоматтандырылған ақпараттық білім беру жүйесі.