Біз туралы

Елдегі білім беру жүйесін дамыту үшін қоғам, билік және бизнес арасындағы ынтымақтастықты күшейтеміз

aitas foundation-ның білім беру стратегиясын жүзеге асырамыз

Еліміздің тұрақты дамуы мен келер ұрпақтың жарқын болашағына үлес қосуды мақсат етеміз

Жауапкершілік және еркіндік

Сенім және жігер

Білуге құштарлық және батылдық

Сүйіспеншілік

Даналық

Ерік-жігер

Біз — білімнің күшіне сенетін пікірлес жандардың қауымдастығымыз. Еліміздің болашағына жауапкершілікпен қарап, білім беру арқылы ұзақмерзімді өзгерістер жасауға ұмтыламыз.
Біздің қағидатымыз — армандау, батыл әрекет ету және қателіктерден сабақ алу. Жасампаздық бізге күш береді және өмірімізге мән сыйлайды. Біз әрбір баланың өз өмір жолын саналы түрде таңдауына мүмкіндік беретін құндылықтарға негізделген орта қалыптастыруды көздейміз.

Болашаққа деген сенімділік сыртқы жағдайлардан емес, адамның ішкі құндылықтары мен ойлау мәдениетінен басталады.

Сондықтан біз білім беруді ең алдымен тұлғаны қалыптастыру кеңістігі деп білеміз.
Балалардың болашағы жарқын болғанын қалаймыз. Сондықтан бүгінгі еңбегімізді ертеңгі ұрпаққа арнаймыз.

Қордың тарихы 2019 жылдан бастау алады. Сол жылы кәсіпкер Серік Толықпаевтың бастамасымен Ауылдық аумақтарды тұрақты дамыту қоры құрылды. Қор ауыл тұрғындарының өмір сүру сапасын жақсартуды мақсат еткен ел азаматтарының басын қосты. Ал алғашқы жобалар кәсіпкердің туған жері — Катонқарағай ауданында жүзеге асырыла бастады.

2019 жылы Ауылдық аймақтарды тұрақты дамыту қоры мен Назарбаев Зияткерлік мектептері «Powered by NIS ауылдық мектептері» жобасын іске қосты. Жоба ауылдық және қалалық мектептер арасындағы білім беру сапасындағы алшақтықты азайтуға бағытталған. «Сапалы білім тұрғылықты жеріне қарамастан барлығына қолжетімді болуы керек», - деді жоба серіктестері.

2022 жылы Ауылдық аймақтарды тұрақты дамыту қорының негізін қалаушылар білім беру жобаларын жеке шығарып, Білім беру саласын тұрақты дамыту қорын құрды.

2022 жылғы 14 шілдеде «Қазақстан халқына» қоры, Білім беру саласын тұрақты дамыту қоры және «Назарбаев Зияткерлік мектептері» АҚ арасында ынтымақтастық туралы Меморандумға қол қойылды, оның шеңберінде «Ауылдық жерлерде тірек мектептердің әлеуетін дамыту» қайырымдылық жобасына 4.25 млрд теңге көлемінде грант бөлінді.

2023 жылы «Ауылдық жерлерде тірек мектептердің әлеуетін дамыту» жобасының екінші кезеңі іске қосылды. Екінші кезеңде Қазақстанның аудандары мен моноқалаларындағы 62 мектеп қамтылды.

2024 жылы тағы 56 мектеп еліміздің тірек мектептерін дамыту жобасына қосылды.

2024 жылдың желтоқсан айында еліміздің Президенті Қасым-Жомарт Тоқаев Хромтау қаласындағы тірек мектебінде болды. Қасым-Жомарт Тоқаев оқушылардың оқу үдерісі мен зертханалық жұмыстарының ерекшеліктерімен танысты.

«Тірек мектеп – магниттік мектептер» білім беру моделі HundrED Global Collection халықаралық білім беру инновацияларының жаһандық жинағына енгізілді.

Финляндиядағы HundrED институты жыл сайын әлемнің ең үздік әрі болашағы зор 100 білім беру инновациясын анықтайтын беделді халықаралық ұйым болып табылады.

2025 жылдың соңына қарай Қордың білім беру бастамалары ел аумағындағы 416 ауылдық мектепте жүзеге асырылып, 222 мыңнан астам оқушы мен 23 мыңнан астам мұғалімді қамтыды.

2026 жылғы наурызда Өрел ауылындағы орта мектеп Google Reference School мәртебесін иеленді. Осылайша, Орталық Азия мен ТМД арасында бұл мәртебеге қол жеткізген алғашқы мектеп атанды.

ПАЙЫМЫМЫЗ

Тұрақты дамыған, өркендеген ел

МИССИЯМЫЗ

Интеллектуалдық капитализм дәуірінде табысты ұрпақтың қалыптасуына ықпал ететін өзгерістердің қозғаушы күші болу.

СТРАТЕГИЯМЫЗ