Тәйімбет Көмекбаев атындағы №250 мектеп-лицейі
Мектеп туралы
Мектеп 1903 жылы «Церковно-приходская школа» ретінде ашылған. 1976 жылдан бастап №250 орта мектеп болып, Қармақшы аудандық оқу бөліміне бағынған. 2010 жылы мектепке «мектеп-лицей» статусы берілді. 2015 жылы білім ордасына Кеңес Одағының Батыры, «Ғасыр жауынгері» атанған Тәйімбет Көмекбаевтың есімі берілді.
Инновациялық идеялар мен заманауи өзгерістер енгізу мақсатында мектеп 2015 жылдан бастап инновациялық мектептердің қатарына енді.
100 жылдық тарихы бар бұл мектеп 2009 жылы «100 мектеп және 100 аурухана» бағдарламасы аясында жаңадан салынған 1200 орындық ғимаратқа көшірілді. Қазіргі уақытта мектепте 1357 оқушы білім алуда, бұл жобалық қуатынан (1200 орын) асып түседі.
Материалдық-техникалық база:
Оқу үдерісі физика, химия және биология пәндеріне арналған зертханалар, информатика кабинеттері, электронды кітапхана мен интерактивті білім беру кеңістіктері сияқты мамандандырылған кабинеттерде ұйымдастырылған. Ұл балаларға арналған металл және ағаш өңдеу шеберханалары мен қыз балаларға арналған тігін шеберханасы оқушылардың практикалық дағдыларын дамытуға бағытталған.
Мектеп заманауи технологиялармен, автономды жылыту жүйесімен және орталықтандырылған сумен жабдықтау жүйесімен қамтылған. Мұнда ерекше білім беру қажеттіліктері бар балаларға бейімделген орта қоса алғанда, барлық оқушылар үшін жайлы жағдай жасалған.
Мекен-жайы
Қызылорда облысы, Қармақшы ауданы, Жосалы кенті, Балқы базар көшесі, №19А
Байланыс
Жетістіктер
Мектеп ұжымы мен оқушылары білім жарыстарында белсенділік танытып келеді. 2021 жылы «Шығармашыл ұжым-2021», 2022 жылы аудан көлемінде «Үздік жаңа идеялар» және облыс бойынша «Ұйымшыл ұжым-2022» номинацияларына ие болды.
-
2024–2025 оқу жылында 8 мұғалім түрлі деңгейдегі байқауларда жүлдегер атанып, 18 мұғалім өз тәжірибесін республика мен облыс көлемінде таратты.
-
Облыстық пәндік олимпиадаларда 9 оқушы жүлдегер атанып, география пәнінен 11-сынып оқушысы Болатқызы Аружан республикалық кезеңде ІІІ орын иеленді.
-
Құқық пәнінен 10-сынып оқушысы Тоғызбаева Жұлдызай республикалық кезеңге жолдама алды.
-
Республикалық ғылыми жобалар байқауының облыстық кезеңінде 3 оқушы жеңімпаз атанды.
-
11-сынып оқушысы Жаңбырбаев Нұртілеу «ХХІ ғасыр көшбасшысы» сайысының республикалық кезеңіне өтті.
ҰБТ және түлектердің жетістіктері:
2023–2024 оқу жылында мектепті 73 түлек аяқтап, барлығы 100% ҰБТ-ға қатысты. Орташа балл – 92,6. 57 түлек мемлекеттік білім грантын иеленді.
10 түлек – «Алтын белгі», 11 түлек – «Үздік аттестат» иегері атанды.