Google көмегімен тиімді оқыту: Екібастұз мұғалімдері цифрлық құралдарды меңгеруде
Серіктестеріміздің бірқатар оқыту шаралар легін жалғастырамыз. Екібастұзда STEM Solutions командасы үш күн бойы Абай Құнанбаев атындағы тірек мектебінің педагогтеріне оқыту өткізді. Бұл жолы негізгі тақырып «Google for Education» құралдарына арналды.
Тренинг аясында қатысушылар Google-дің негізгі білім беру құралдарымен танысты. Мұғалімдер Google Classroom, Google Docs, Google Sheets, сондай-ақ оқу процесін ұйымдастыруды айтарлықтай жеңілдететін және оның тиімділігін арттыратын басқа да пайдалы қосымшаларды пайдалану бойынша практикалық ұсыныстар алды.
Мен үшін білім саласы жай ғана қызметтің бір бағыты ғана емес, бұл тамыры тереңде жатқан менің жеке тарихым. Менің атам Шығыс Қазақстан облысы Катонқарағай ауданындағы алғашқы ұстаздардың бірі болса, ата-анам да саналы ғұмырын ұстаздыққа арнады. Тағдырыма ұстаздық жолын жалғастыру жазылмаса да, білім саласын дамытуға үлес қосуға деген ұмтылыс генетикалық жадымда сақталып қалғандай.
Білім – қоғамның болашағын құрайтын іргетасы. Бұл саладағы заманауи үрдістер әр оқушының қажеттіліктерін ескеретін білім беру ортасын құру мақсатында цифрландыру мен гуманизацияға бағытталған. Цифрлық технологиялар жаңа мүмкіндіктерді ашады, оқытуды қолжетімді және жан-жақты етеді, балаларды селқос білім алушылардан оқу үдерісінің белсенді қатысушыларына айналдырады.