Үкіметте «Жайлы мектептерді» басқару мәселелері қарастырылды
# News
29 октября, 2024
Мемлекет басшысы халыққа Жолдауында «Жайлы мектеп» ұлттық жобасы аясында салынған мектептерді басқарудың тиімді жүйесін құруды тапсырды. Оқу-ағарту министрлігі, білім саласындағы сарапшылардың қатысуымен бірқатар ұсыныс әзірледі. Олар Үкіметте ұйымдастырылған кеңес кезінде талқыланды. Оған ҚР Премьер-министрінің орынбасары Тамара Дүйсенова, ҚР Президентінің ішкі саясат мәселелер және коммуникациялар жөніндегі көмекшісі Руслан Желдібай, оқу-ағарту министрі Ғани Бейсембаев, сондай-ақ білім саласының сарапшылары мен өкілдері қатысты.
Бүгінде елімізде ұлттық жоба аясында салынған 28 мектеп жұмысын бастады. Келер жылдың соңына дейін барлығы 217 нысан пайдалануға беріледі деп жоспарланған.
Салалық министрлік пен білім беру саласының сарапшылары жайлы мектептерді басқарудың бірнеше моделін ұсынды. Онда білім ошақтары жұмысының мазмұнына баса мән берілді. Сондықтан оқу бағдарламалары, оқыту әдістемелері, білім және ұстаздар дайындығының деңгейін бағалауда Назарбаев зияткерлік мектептері, Білім-инновация лицейлері, Республикалық физика-математика мектептері, Бином желісі секілді елдегі алдыңғы қатарлы кейстерді пайдалану ұсынылуда.
Тамара Дүйсенова алдағы уақытта жайлы мектептер өз мүмкіндіктерін пайдалана отырып, өзге орта білім беру мекемелеріне үздік тәжірибелерді таратудағы тірек мектептер болуы тиіс екенін атап өтті.
Руслан Желдібай кеңес барысында айтылған ұсыныстар оңтайлы әрі тиімді шешім қабылдау үшін мұқият қарастырылатынын жеткізді.
Другие новости
# Опорные школы
08.05.2025
Samsung Electronics және ФУРО Қазақстандағы ауыл мектептерін жаңа техникамен қамтамасыз етеді
Samsung Electronics Central Eurasia және Білім беру саласын тұрақты дамыту қоры (ФУРО) білім беру жағдайларын жақсарту және ауылдық жерлердегі мектеп оқушылары үшін білімді цифрландыру мақсатында ынтымақтастық туралы меморандумға қол қойды
# Опорные школы
30.04.2025
Семинар: Оқушылардың зерттеу дағдыларын дамыту
2025 жылғы 21–29 сәуір аралығында «Назарбаев Зияткерлік мектептері» дербес білім беру ұйымының «Білім беру бағдарламалары орталығы» филиалы ауылдық жерлердегі тірек мектептерді қолдау жобасы аясында «Оқушылардың зерттеу дағдыларын дамыту» тақырыбында пәндік семинарлар өткізді
# Опорные школы
21.04.2025
Қазақстанның 20 ауыл мектебі Google for Education жобасына қатысады
Қазақстанның ауыл мектептеріне Google for Education экожүйесін енгізу бойынша пилоттық жоба басталды