Катонқарағай оқушылары Алматыда өткен Халықаралық байқауда бас жүлде жеңіп алды
Шығыс Қазақстан облысы, Катонқарағай ауылының оқушылары Алматы қаласында өткен Халықаралық шығармашылық халық ансамбльдерінің байқауында бас жүлде жеңіп алды.
Бірнеше жыл бұрын Катонқарағайдағы С.Ластаев атындағы мектепте музыкалық аспаптар болмағандықтан, оқушылар нотамен таныс емес еді.
Ауылдық аймақтарды тұрақты дамыту қорының қолдауымен музыкалық сынып жабдықталып, 2020 жылы «Мұрагер» ұлттық аспаптар оркестрі құрылды. Дәл осы оркестрдің құрамына мектептің 30 оқушысы кіреді.
Бүгінде оқушылар Petrof роялінде, жетіген, сазсырнай, домбыра, сыбызғы, шаңқобыз және асатаяқ секілді ұлттық аспаптарда ойнай алады. Оларды бұл өнерге баулыған ұстаз – Қазақстан Республикасының еңбек сіңірген қайраткері, этномузыкант және композитор Еділ Құсайынов.
2022 жылдың 18 мамырында Нұрдана Омар жетекшілік ететін «Мұрагер» ұлттық аспаптар оркестріндегі 3-9-сыныптың 20 оқушысы Алматы қаласында өткен «Жарық жұлдыз» байқауында бас жүлдеге ие болып қайтты.
Ал 3-сынып оқушысы Рафхатқызы Аяна жетіген аспабы бойынша І орын иеленді.
Мен үшін білім саласы жай ғана қызметтің бір бағыты ғана емес, бұл тамыры тереңде жатқан менің жеке тарихым. Менің атам Шығыс Қазақстан облысы Катонқарағай ауданындағы алғашқы ұстаздардың бірі болса, ата-анам да саналы ғұмырын ұстаздыққа арнады. Тағдырыма ұстаздық жолын жалғастыру жазылмаса да, білім саласын дамытуға үлес қосуға деген ұмтылыс генетикалық жадымда сақталып қалғандай.
Білім – қоғамның болашағын құрайтын іргетасы. Бұл саладағы заманауи үрдістер әр оқушының қажеттіліктерін ескеретін білім беру ортасын құру мақсатында цифрландыру мен гуманизацияға бағытталған. Цифрлық технологиялар жаңа мүмкіндіктерді ашады, оқытуды қолжетімді және жан-жақты етеді, балаларды селқос білім алушылардан оқу үдерісінің белсенді қатысушыларына айналдырады.
