«Ауыл мектебі – жаңа мүмкіндіктер арнасы» атты республикалық әдістемелік интенсиві
2025 жылы наурыздың 27-сі Астана қаласында «Назарбаев Зияткерлік мектептері» ДББҰ ұйымдастыруымен ауыл мектептерінің педагогтеріне арналған «Ауыл мектебі – жаңа мүмкіндіктер арнасы» атты алғашқы республикалық әдістемелік интенсив басталады.
Интенсивке Қазақстанның әр өңірінен 135 ауылдық тірек мектептен 500-ге жуық мектеп басшысы мен пән мұғалімдері қатысады. Бұл – ұстаздар үшін тәжірибе алмасуға, педагогикалық шеберлікті арттыруға және өзара кәсіби байланыс орнатуға арналған бірегей мүмкіндік.
Бағдарлама аясында педагогтер мен мектеп директорларына арналған практикумдар, сараптамалық сессиялар, шеберлік сабақтар, интерактивті тренингтер, сондай-ақ білім беру саласындағы өзекті мәселелер бойынша пікір алмасу алаңдары ұйымдастырылады.
Интенсив ауыл мектептерін қолдауға бағытталған «Ауылдық аймақтардағы тірек мектептердің әлеуетін арттыру» жобасы аясында өтеді. Бұл қайырымдылық бастама 2022 жылдан бері Оқу-ағарту министрлігінің қолдауымен «Назарбаев Зияткерлік мектептері» дербес білім беру ұйымы, Білім беру саласын тұрақты дамыту қоры және «Қазақстан халқына» қоғамдық қорының серіктестігімен жүзеге асып келеді.
Шараны ұйымдастырушы: «Назарбаев Зияткерлік мектептері» дербес білім беру ұйымы
Іс-шара өтетін орын: Астана Халықаралық мектебі (Түркістан көшесі, 32/1)
Басталатын уақыты: 09:30
БАҚ өкілдерін аккредиттеу телефоны: +7 708 314 42 49 Муслима Казыкенова
