Ауыл мектептері қандай цифрлық платформаларды пайдаланады?
Өткен жылы біз цифрлық технологияларды белсенді түрде қолдана отырып, шағын жинақты ауыл мектептерінің әлеуетін арттыру жобасын бастадық. Бұл жобада Оқу-ағарту министрлігі мен «Қазақстан халқына» қоры серіктес болды.
Сондай-ақ еліміздің үздік білім беру платформалары жобаға қатысушы мектептерге өздерінің үздік ресурстарын тегін ұсынды. Біз оларға жеке тоқталғымыз келеді.
Аmansultan.kz – мектеп бағдарламасы бойынша интерактивті анимациялық контенті мен виртуалды тренажерлары бар цифрлық платформа.
Daryn Pro – мектептердегі оқу материалдары мен бағалауды тиімді ұйымдастыруға және басқаруға арналған daryn.online білім беру платформасының жүйесі.
Roqed – ғылыми пәндер бойынша жүздеген егжей-тегжейлі 3D-модельдер мен анимацияларды оқып-үйрену арқылы білім алуға арналған интерактивті әрі қолдануға оңай білім беру бағдарламалық жасақтамасы.
Kundelik.kz – педагогтар, ата-аналар мен оқушыларға арналған автоматтандырылған білім беру ақпараттық жүйесі.
Bilim Media Group онлайн-платформалары:
Online mektep – мұғалімдер мен оқушылардың өзара әрекеттесуіне, сондай-ақ оқу процесін ұйымдастыруға арналған дайын білім беру экожүйесі.
Вilimland.kz – цифрлық білім беру контентінен, оқытушы интерактивті кешендерден тұратын білім беру платформасы.
BilimCenter.kz – ББЖӘБ (МОДО) мен халықаралық зерттеулерге дайындалу үшін педагогтар мен оқушылардың функционалдық сауаттылығын бағалауға арналған цифрлық тренажер.
Kitap.kz – қазақ және әлем әдебиетінің үздік шығармаларын оқуға әрі тыңдауға болатын қосымша.
