Шағын жинақты мектептерді дамыту бойынша пилоттық жобаның есебі ресми ISBN алды

2024 оқу жылында Білім беру саласын тұрақты дамыту қоры серіктестерімен бірге Ақтөбе облысының шағын жинақты мектептерін дамыту бойынша пилоттық жобаны сәтті аяқтады.

Жобаның қорытындылары арнайы есепте жинақталып, оған халықаралық стандартты кітап нөмірі ISBN берілді. Бұл мәртебе есептің аналитикалық және әдістемелік құжат ретінде жоғары сапасы мен маңыздылығын растайды.

ISBN әрбір жарияланған авторлық кітапқа, әдістемелік құралға беріледі және оның әлемдік каталогтардағы сәйкестендірілуіне қызмет етеді. Сонымен қатар, бұл нөмір авторлық құқық иесі мен баспагерді анықтауға көмектеседі.

Біз есептің білім беру жүйесіне инновацияларды енгізу және табысты тәжірибелерді тарату үшін құнды құрал болатынына сенімдіміз.

Жобаға үлес қосқан барлық серіктес пен қатысушыға алғысымызды білдіреміз. Болашақта да жемісті ынтымақтастық жалғасады деп үміттенеміз.