«Кәсіби ұстаз» ашық республикалық онлайн алаңы
📅 Күні: 2025 жылғы 27 ақпан
🕓 Уақыты: 16:00 (Астана уақыты бойынша)
📍 Форматы: Онлайн
🔗 Қосылу сілтемесі: share.kz/g66X
👥 Қатысушылар: Нысаналы мектептердің 1000 педагогі
Іс-шара туралы:
«Кәсіби ұстаз» ашық республикалық онлайн алаңы – педагогтердің озық тәжірибесімен бөлісуге арналған бірегей мүмкіндік. Шара барысында тірек ауыл мектептерінің пән мұғалімдері 12 пән бойынша 54 шеберлік сабағын өткізеді.
Бағдарлама:
🔹 16:00 – 16:10 – Қатысушыларға құттықтау сөзі (спикер: Дәуенов Ернұр Нұрланұлы, ҚР Оқу-ағарту министрлігі)
🔹 16:10 – 17:30 – Пәндік секциялар бойынша шеберлік сабақтары
🔹 17:30 – 17:40 – Қорытындылау, кері байланыс
Кәсіби даму мен тәжірибе алмасуға қосылыңыз!
Мен үшін білім саласы жай ғана қызметтің бір бағыты ғана емес, бұл тамыры тереңде жатқан менің жеке тарихым. Менің атам Шығыс Қазақстан облысы Катонқарағай ауданындағы алғашқы ұстаздардың бірі болса, ата-анам да саналы ғұмырын ұстаздыққа арнады. Тағдырыма ұстаздық жолын жалғастыру жазылмаса да, білім саласын дамытуға үлес қосуға деген ұмтылыс генетикалық жадымда сақталып қалғандай.
Білім – қоғамның болашағын құрайтын іргетасы. Бұл саладағы заманауи үрдістер әр оқушының қажеттіліктерін ескеретін білім беру ортасын құру мақсатында цифрландыру мен гуманизацияға бағытталған. Цифрлық технологиялар жаңа мүмкіндіктерді ашады, оқытуды қолжетімді және жан-жақты етеді, балаларды селқос білім алушылардан оқу үдерісінің белсенді қатысушыларына айналдырады.