Ауылдық аймақтағы тірек мектептердің әлеуетін арттыру
Бұл жоба тірек мектептердің әлеуетін дамытуға бағытталған. Ол үздік оқыту әдістері мен технологияларын енгізу, мектептердің материалдық-техникалық базасын жаңарту, қолайлы білім беру ортасын қалыптастыру, педагогтердің үздіксіз кәсіби дамуына жағдай жасау, сондай-ақ мектептерге әдістемелік қолдау көрсету арқылы білім сапасын арттыруды көздейді.
2022 жылы шілденің 14-і Білім беру саласын тұрақты дамыту қоры Назарбаев зияткерлік мектептері, «Қазақстан халқына» қоры және AITAS холдингімен бірлесіп, ынтымақтастық туралы меморандумға қол қойған еді. Осылайша «Ауылдық аймақтағы тірек мектептердің әлеуетін арттыру» жобасын жүзеге асырды.
«Қазақстан халқына» қорының қолдауының арқасында ФУРО жобаны 5 мектептен 22 мектепке дейін кеңейтіп, елдің жаңа аймақтарында өзгерістер жүзеге асырылды. Бұл – қордың стратегиялық жоспарына сәйкес жақсартылған 17 тірек мектеп. 2023 жылы жобаға тағы 63 тірек мектеп қосылды.
Біздің мақсатымыз – 2026 жылға дейін елдегі 167 аудан мен 27 моноқаланы толық қамту. Біз стратегиялық серіктестер мен демеушілермен ынтымақтастыққа ашықпыз. Білім беру саласын тұрақты дамыту қоры өз жұмысында жүйелілік пен ашықтық қағидаттарын ұстанады.
2022 жыл мен 2024 жыл арасында 135 мектеп желісі құрылып, оларға заманауи үлгідегі 4665 кабинет орнатылды. 2025 жылы жобаға тағы 56 мектеп қосылып, 1935 кабинет жаңартылады.
Осылайша, тірек мектептер желісі 191 білім мекемесін қамтып, жаңартылған кабинеттер саны 6600-ге жетеді. Жобаға енген мектептердің материалдық-техникалық базасын жаңартуға 47,75 млрд теңге көлемінде әлеуметтік инвестиция тартылды.
