«Қазақстан халқына» Қоры және Білім Беруді Тұрақты Дамыту Қоры (ББТДҚ) модернизацияланған ауылдық мектепті назарға ұсынды

12 қыркүйек күні Ақмола облысының Қатаркөл ауылының Досов атындағы мектебінде «Ауылды жерлердегі тірек мектептерінің әлеуетін дамыту» қайырымдылық жобасының алғашқы нәтижесі назарға ұсынылды. Жобаның мақсаты ауылдық мектептердегі білім беру сапасын кешенді түрде жақсарту және материалды базаларын модернизациялау болып табылады. Қатаркөлдік мектеп «Қазақстан халқына» қорынан 4,25 млрд теңге бөлінген жобаға қатысатын 17 тірек мектептерінің алғашқысы. Жұмыс басталғалы бері бір ай ішінде аталмыш мектептің материалды базасы толығымен жаңаланды. Ағымдағы жылдың соңына дейін басқа аймақтардағы қалған 16 мектепте модернизация жұмысы аяқталып, ауыл мұғалімдеріне арналған қарқынды курстар мен тренингтер өткізіледі.

Аталмыш жоба 2019 жылдан бастап ШҚО және Ақмола облысының 5 мектебінде жүзеге асырылып жатқан «Powered by NIS ауыл мектебі» бастамасының жалғасы екенін атап өту керек. Бастапқы бес мектептің демеушісі, әрі ынталандырушысы 1 млрд теңге қаражат бөлген Aitas Холдингі және оның құрылтайшысы Серік Толықпаев. Ынтаның бас серіктесі жобаның академиялық бөлігін ұйымдастыруды өз мойнына алған «Назарбаев зияткерлік мектептері» ДББҰ. Оған қоса жобаны «НЗМ» ДББҰ бірге жүзеге асыратын Білім Саласын Тұрақты Дамыту Қоры (БСТДҚ) құрылды.

«Біз ауылдық мектептерді модернизациялау бойынша ынтамызды бастаған кезімізде алдымызға қойған үлкен мақсатты айқын көрдік – бұл 2026 жылдың соңына дейін бүкіл мемлекет бойынша 165 мектеп. Биыл «Қазақстан халқына» қоры және Beeline Қазақстанмен ынтымақтастықтың арқасында біз жобаны ауқымдатып, аясын кеңейтіп, барлық облыстарды қамти алдық. Серіктестеріміздің арқасында қарапайым ауылдық мектептердің балалары сапалы білім алуға қол жеткізетініне өте қуаныштымыз. Алда әлі атқарылатын жұмыстар көп, біз бұл игі істердің жемісті болатынына сенімдіміз, әрі басқа да демеушілер мен серіктестерге ашық екенімізді жеткіземіз, - деді өз сөзінде БСТДҚ құрылтайшысы, Aitas Холдингінің басшысы Серік Толықпаев.

Жемісті жүзеге асырылып, жақсы нәтижелер көрсете бастаған ауылдық мектептерді модернизациялау ынтасы «Қазақстан халқына» Қоры мен Beeline Қазақстанның қолдауына ие болып, модернизацияланған ауылдық мектептердің санын 22-ге дейін көбейтуге мүмкіндік берді.

Мектептің тұсаукесері салтанатына «Қазақстан халқына» Қоры Басқармасының төрағасы Болат Жәмішев қатысты. «Еліміздің 20 өңіріндегі көшпелі кездесулерде және азаматтық қоғам өкілдерімен өткізген онлайн жиындарда ауылдағы білім саласын қолдау туралы ұсныстар айтылды. Ауыл білімі дегенде, ең алдымен, тірек мектептерді қолдауымыз қажет. Олар жақын маңдағы мектептерге демеу болмақ. Ауыл оқушылары қалалық балалар секілді мүмкіндіктерге ие болуы тиіс. Сондықтан бұл “Қазақстан халқына” қорының ауылдық тірек мектептерді дамыту жөніндегі алғашқы жобасы. Мектеп барлық қажетті құрал-жабдықтармен қамтамасыз етілген. Сонымен бірге, НИМ әлеуеті мен ресурстары арқылы ауыл мектептеріне үздік педагогикалық тәжірибелері мен әдістемелерін үйрететін болады” - деді Болат Жәмішев.

«Қазақстан халқына» қорының қаржылық қолдауы кабинеттерді материалды қамтамасыз ету мен жаңа құрал-жабдықтарды сатып алуға бағытталған, ал барлық операциялық шығындарды БСТДҚ қамтамасыз етуде. «Назарбаев зияткерлік мектептері» ДББҰ және оның барлық құрылымдық бөлімдері жобаның Бас серіктесі болып, әдістемелік қолдау көрсетіп, әрі мұғалімдердің санатын жоғарылатуда көмектесуде. «НЗМ» ДББҰ бұл көмекті өз тәжірибесін еліміздің жалпы білім беру мекемелеріне беру мақсатында ақысыз көрсетіп жатқанын атап айту қажет.

Жобаға бөлінген - 4,25 млрд теңге - 17 мектеп арасында, әрқайсысына 250 млн теңге болып бөлінеді. Бұл сомманың жартысына жуығын - 2 млрд теңгені демеушілердің бірі - Beeline Kazakhstan қамтамасыз етті.

«Телекоммуникациялық бизнес әлеуметтік мәнге ие: қазіргі заман адамының өмірін біздің қызметтерінсіз елестету мүмкін емес. 2020 жылдан бері біз серіктестермен бірге «250+» жобасын жүзеге асырудамыз, оның арқасында Beeline мобильді интернеті мен байланысы 1500 астам ауылда пайда болды. Ендігі жерде бұл ауылдардың тұрғындары Интернетке қол жеткізу бойынша қаламен тең мүмкіндікке ие. Тірек мектептерін дамыту жобасы да ауыл балаларына сапалы, бәсекелес білімге қол жеткіздіріп, тең мүкіндіктерді жасауға тиек болып отыр. Біздің қайырымдылық үлесіміз осындай игі ынтаның дамуына бағытталғанына өте қуаныштымыз», - дейді Beeline Қазақстан Бас атқарушы директоры Евгений Настрадин.

Тұсаукесер барысында қонақтар мен БАҚ өкілдеріне дәріс өткізіле басталған түрлі сабақтар бойынша заманауи жабдықталған, жаңаланған кабинеттер көрсетілді. Жаңашылдықтың арасында – бейнеқабырға және ақпараттық киоск, арт-студия, онлайн-сабақтар мен шеберлік-сағаттар жазуға арналған телестудия, шеберханалар бар. Қазірден бастап сабақтар интерактивті панельдерді, жаңа құрал-жабдықтарды, көрсетілім материалдарын қолданумен өткізулуде. Сонымен қатар мектепке дейінгі балаларға арналған арнайы кішігірім орталық ұйымдастырылған.

«Біздің жұмысымыз бұл мектепте осымен аяқталмайды. Қазіргі кезде біз жобаның серіктесімен бірге сабақ беру сапасын саралап, мұғалімдермен, ана-аналармен, оқушылармен сұрақнама өткізіп жатырмыз, оқу жоспарларын зерттеп, әр мұғалімнің сабағына қатыспақпыз. Бұл өте маңызды кезең, оның қортындылары бойынша жылдың соңына дейін ауыл мұғалімдеріне арналған қарқынды курстар, тренингтер және шеберлік сабақтар ұйымдастырылады. Бұндай кешенді жұмыс мектептегі білім беру сапасының жақсаруына едәуір ықпал етеді», - деп баса айтты БСТДҚ директоры Данияр Тоқтарбаев.

Ұстаздарды оқыту мен кабинеттерді жабдықтауда НЗМ тәжірибесі мен кеңесі қолданылды. Бұл жайлы «Назарбаев зияткерлік мектептері» ДББҰ Басқарма төрайымы Күләш Шамшидинова баяндап, жобада әр мектептің оқу процесінің ерекшеліктері мен материалды –техникалық базасы ескерілгенін баса айтты.

«Бүгінгі күні жаңа технологиялар мен әдістемелерді қолдану бұл жәй ғана жаңашылдыққа ұмтылыс емес, бұл заман талабы. Біздің ауылдық мектептермен жұмысымыз оқу-тәрбие ісінің барлық аспектілерін жан-жақты, кешенді зерттеуден басталады, осы сараптаудың негізінде мектептің әдістемелік жоспар мен оқу ортасын қайта жандандырудағы сұранысы анықталады. Мектепте сараптау тобы құрылып, мектептің қызметін жақсарту мақсатында оқу-тәрбие ісі жүйелі сарапталып тұрады.

Зияткерлік мектептер алаңында мұғалімдер мен мектеп әкімшілігі қызметкерлеріне арнайы стажировкалар өткізіледі. Бүкіл процесс әдістемелік қолдаумен қатар жүргізіледі, ол дегеніміз семинарлар, вебинарлар, стажировкалар, шеберлік сабақтар мен практикумдар, сабақтың тиімділігін арттыру үшін сандық (цифрлық) және оқыту ресурстарын енгіземіз” – деп атап өтті НЗМ ДББҰ басшысы Күләш Шамшидинова.